امام شافعی رحمہ اللہ نے فرمایا: ”شعر (بھی) ایک کلام ہے، اس کا اچھا حصہ اچھے کلام کی طرح ہے اور اس کا برا حصہ برے کلام کی طرح ہے، البتہ یہ ایسا کلام ہے جو باقی رہتا ہے اور (لوگوں میں) پھیل جاتا ہے، اور یہی عام کلام پر اس کی فضیلت (اور امتیاز) ہے۔ پس شعراء میں سے جو شخص مسلمانوں کی عیب جوئی کرنے، انہیں ایذا پہنچانے اور اس میں کثرت کرنے میں معروف نہ ہو، اور نہ ہی اس بات میں (معروف ہو) کہ جب کسی کی مدح کرے تو بہت زیادہ جھوٹ بولے، تو اس کی گواہی رد نہیں کی جائے گی۔“ [السنن الكبرى للبيهقي/كِتَابُ الشَّهَادَاتِ/حدیث: Q21098]

عبدالرحمن بن اسود بن عبد یغوث رحمہ اللہ فرماتے ہیں کہ رسول اللہ صلی اللہ علیہ وسلم نے فرمایا: ”بعض شعر حکمت بھرے ہوتے ہیں۔“
(ب) ابی بن کعب رضی اللہ عنہ نبی صلی اللہ علیہ وسلم سے بیان کرتے ہیں کہ آپ صلی اللہ علیہ وسلم نے فرمایا: ”بعض شعر حکمت ہوتے ہیں۔“ [السنن الكبرى للبيهقي/كِتَابُ الشَّهَادَاتِ/حدیث: 21098]

سیدنا ابی بن کعب انصاری رضی اللہ عنہ فرماتے ہیں کہ نبی صلی اللہ علیہ وسلم نے فرمایا: ”بعض شعر حکمت بھرے ہوئے ہیں۔“ [السنن الكبرى للبيهقي/كِتَابُ الشَّهَادَاتِ/حدیث: 21099]

ابن عباس رضی اللہ عنہما فرماتے ہیں کہ نبی صلی اللہ علیہ وسلم نے فرمایا: ”بعض شعر حکمت بھرے ہوئے ہیں۔“ [السنن الكبرى للبيهقي/كِتَابُ الشَّهَادَاتِ/حدیث: 21100]

سیدنا ابوہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے فرمایا: ”سب سے سچے اشعار وہ ہیں جو عرب نے کہے کہ اللہ کے علاوہ ہر چیز باطل ہے۔“ [السنن الكبرى للبيهقي/كِتَابُ الشَّهَادَاتِ/حدیث: 21101]

سیدنا حسان بن ثابت رضی اللہ عنہما نے سیدنا ابوہریرہ رضی اللہ عنہ کو قسم دے کر کہا: بتاؤ! کیا آپ نے رسول اللہ صلی اللہ علیہ وسلم سے سنا، آپ صلی اللہ علیہ وسلم نے فرمایا تھا: ”میری جانب سے جواب دو، اللہ آپ کی مدد جبرائیل امین کے ذریعے فرمائے۔“ وہ کہنے لگے: ہاں ہاں۔ [السنن الكبرى للبيهقي/كِتَابُ الشَّهَادَاتِ/حدیث: 21102]

ابو سلمہ بن عبدالرحمٰن رحمہ اللہ نے سیدنا حسان بن ثابت رضی اللہ عنہ کو سنا، وہ سیدنا ابوہریرہ رضی اللہ عنہ سے شہادت طلب کر رہے تھے: ”میں تمہیں اللہ کی قسم دے کر پوچھتا ہوں، کیا آپ نے رسول اللہ صلی اللہ علیہ وسلم سے سنا ہے کہ آپ صلی اللہ علیہ وسلم نے فرمایا: ”اے حسان! تو میری جانب سے جواب دے، اللہ تیری جبرائیل امین کے ذریعے مدد فرمائے گا“؟“ تو سیدنا ابوہریرہ رضی اللہ عنہ فرماتے ہیں: ”ہاں۔“ [السنن الكبرى للبيهقي/كِتَابُ الشَّهَادَاتِ/حدیث: 21103]

سیدنا براء بن عازب رضی اللہ عنہ فرماتے ہیں کہ رسول اللہ صلی اللہ علیہ وسلم نے سیدنا حسان رضی اللہ عنہ سے فرمایا: ”اے حسان! کفار کی مذمت کر، جبرائیل تیرے ساتھ ہے۔“
(ب) سلیمان کی روایت ہے کہ ”ان کی مذمت کرو، ان کی مذمت کرو، جبرائیل تیرے ساتھ ہے۔“ [السنن الكبرى للبيهقي/كِتَابُ الشَّهَادَاتِ/حدیث: 21104]

سیدہ عائشہ رضی اللہ عنہا فرماتی ہیں کہ سیدنا حسان رضی اللہ عنہ نے کہا: اے اللہ کے رسول! ابو سفیان کے بارے میں اجازت دیں۔ آپ صلی اللہ علیہ وسلم نے فرمایا: ”میری اس سے قرابت کا کیا بنے گا؟“ سیدنا حسان رضی اللہ عنہ کہنے لگے: میں آپ صلی اللہ علیہ وسلم کو درمیان سے ایسے نکال لوں گا، جیسے تنکا آٹے سے نکال لیا جاتا ہے۔ پھر فرمایا: ”آلِ بنو ہاشم سے بزرگ کی کوہان ہے اور اے بنتِ مخزوم کی اولاد! تیرا والد تو غلام ہے۔“ [السنن الكبرى للبيهقي/كِتَابُ الشَّهَادَاتِ/حدیث: 21105]

سیدہ عائشہ رضی اللہ عنہا فرماتی ہیں کہ رسول اللہ صلی اللہ علیہ وسلم نے فرمایا: ”قریش کی مذمت (ہجو) کرو، یہ ان پر تیر پھینکنے سے زیادہ سخت ہے۔“ آپ صلی اللہ علیہ وسلم نے ابن رواحہ رضی اللہ عنہ کو روانہ کیا اور فرمایا: ”ان کی مذمت کرو۔“ اس نے ان کی مذمت کی لیکن آپ صلی اللہ علیہ وسلم راضی نہ ہوئے۔ پھر کعب بن مالک رضی اللہ عنہ کی طرف روانہ کیا۔ پھر حسان بن ثابت رضی اللہ عنہ کو روانہ کیا۔ جب حسان رضی اللہ عنہ آئے تو کہنے لگے: اب میں تمہارے لیے آیا ہوں، دم ہلانے والے شیر کی جانب روانہ کرو۔ پھر زبان باہر نکال کر اس کو حرکت دی، پھر کہا: اس ذات کی قسم جس نے آپ صلی اللہ علیہ وسلم کو حق کے ساتھ بھیجا ہے! میں ان کو چمڑے کے پھاڑنے کی طرح پھاڑ ڈالوں گا۔ رسول اللہ صلی اللہ علیہ وسلم نے فرمایا: ”اے حسان! جلدی نہ کرنا کیونکہ ابوبکر رضی اللہ عنہ قریش کے نسب کو سب سے زیادہ جاننے والے ہیں، چونکہ میرا نسب بھی ان میں ہے تو میرے نسب کو (ان سے) جدا کر لیا جائے۔“ پھر حضرت حسان رضی اللہ عنہ، ابوبکر رضی اللہ عنہ کے پاس آئے پھر لوٹ گئے۔ پھر آپ صلی اللہ علیہ وسلم کے پاس آئے اور کہنے لگے: اے اللہ کے رسول! آپ صلی اللہ علیہ وسلم کا نسب (مجھ پر) واضح کر دیا گیا۔ اس ذات کی قسم جس نے آپ صلی اللہ علیہ وسلم کو حق کے ساتھ مبعوث کیا ہے! میں آپ صلی اللہ علیہ وسلم کو ان سے ایسے نکال لوں گا جیسے آٹے سے بال نکال لیا جاتا ہے۔ سیدہ عائشہ رضی اللہ عنہا فرماتی ہیں: میں نے رسول اللہ صلی اللہ علیہ وسلم سے سنا، آپ صلی اللہ علیہ وسلم حضرت حسان رضی اللہ عنہ سے کہہ رہے تھے: ”جبرائیل تیری مدد فرماتے رہیں گے، جب تک تو رسول اللہ صلی اللہ علیہ وسلم کا دفاع کرے گا۔“ فرماتی ہیں کہ میں نے رسول اللہ صلی اللہ علیہ وسلم سے سنا، آپ صلی اللہ علیہ وسلم فرما رہے تھے: ”حسان نے ان کی مذمت کر کے خود بھی اور ہمیں بھی آرام دیا۔“ حسان رضی اللہ عنہ نے کہا:
1 تو نے محمد صلی اللہ علیہ وسلم کی مذمت کی ہے تو میں نے ان کی جانب سے جواب دیا ہے
اور اللہ کے نزدیک میرے لیے اس میں بدلہ ہے جزا ہے
2 تو نے محمد صلی اللہ علیہ وسلم کی برائی کی جو نیک ہیں یک سو ہیں
اللہ کے رسول ہیں، وفاداری ان کی عادت مبارکہ ہے
3 میرے ماں باپ اور میری آبرو
محمد صلی اللہ علیہ وسلم کی آبرو بچانے کے لیے قربان ہے
4 میں اپنی جان کھو دوں اگرچہ تم اس کو نہ دیکھو
وہ گرد و غبار کو کداء کی دونوں جانب سے اڑا دے گا
5 ایسی طاقت ور اونٹنیاں جو باگوں پر زور لگاتی ہیں اور اوپر چڑھتی ہیں
ان کے کندھوں پر تیز نوک والے برچھے ہیں جو خون کے پیاسے ہیں
6 اور ہمارے گھوڑے دوڑتے ہوئے آئیں گے
جن کے منہ عورتیں اپنے دوپٹوں سے پونچھتی ہیں
7 اگر تم ہم سے منہ پھیر لو (بات نہ کرو) تو ہم عمرہ کرلیں گے
تو فتح ہوجائے گی اور پردہ اٹھ جائے گا
8 نہیں تو اس دن کی لڑائی کے لیے صبر کرو
جس دن اللہ تعالیٰ فتح دے گا اور جسے چاہے گا عزت دے گا
9 اللہ تعالیٰ فرماتے ہیں کہ میں نے ایک بندے کو بھیجا ہے
جو ہمیشہ سچ بات کہتا ہے اس کی بات میں کوئی شبہ نہیں
0 اللہ تعالیٰ فرماتے ہیں کہ میں نے ایک لشکر تیار کیا ہے
وہ انصار کا لشکر ہے جن کا کھیل کافروں سے مقابلہ کرنا ہے
! ہم تو ہر روز ایک نہ ایک تیاری میں ہیں
گالی گلوچ ہے کافروں سے، لڑائی یا ہجو ہے کافروں سے
@ تم میں سے جو اللہ کے رسول کی ہجو کرے
اور ان کی تعریف کرے یا مدد کرے وہ سب برابر ہیں
# جبرائیل امین ہم میں اللہ کے قاصد ہیں
اور روح القدس جن کا کوئی مثل نہیں۔ [السنن الكبرى للبيهقي/كِتَابُ الشَّهَادَاتِ/حدیث: 21106]