ابن جریج رحمہ اللہ فرماتے ہیں کہ میں نے ابن طاؤس رحمہ اللہ سے کہا کہ آپ کے والد (طاؤس رحمہ اللہ) کیا فرماتے ہیں کہ جب آدمی غلام سے مکاتبت کرتا ہے، پھر وہ فوت ہو جاتا ہے، اس مکاتبت کی بچی وارث ہو گی، وہ اپنی کتابت اس کو ادا کرے گا، پھر وہ آزاد کیا جائے گا، پھر وہ فوت ہو جاتا ہے، تو وہ فرماتے ہیں کہ ولاء اس بچی کی ہو گی۔ میرا گمان ہے کہ کوئی بھی اس کی مخالفت نہ کرے گا اور ان کے قول سے تعجب ہے کہ اس کی ولاء نہ ہو گی۔ [السنن الكبرى للبيهقي/كِتَابُ المُكَاتَبِ/حدیث: 21746]

ابن جریج رحمہ اللہ فرماتے ہیں کہ میں نے عطاء رحمہ اللہ سے کہا: ایک آدمی فوت ہو گیا، اس نے دو بیٹے اور ایک مکاتب کو چھوڑا۔ پھر مکاتب دونوں میں سے ایک کے حصے میں آیا، اس نے اپنی کتابت اسی کو ادا کی جس کے حصے میں وہ میراث میں آیا تھا۔ پھر مکاتب فوت ہو گیا، اس کا وارث کون ہو گا؟ انہوں نے فرمایا: وہ دونوں اس کے وارث ہیں، اور عمرو بن دینار رحمہ اللہ نے بھی یہی کہا۔ عطاء رحمہ اللہ نے فرمایا: اس کی ولاء اس کی طرف لوٹے گی جس نے اس سے کتابت کی تھی۔ میں نے یہ بات ان کے سامنے دوبارہ دہرائی تو انہوں نے کئی مرتبہ یہی کہا۔
امام شافعی رحمہ اللہ نے فرمایا: ہم عطاء اور عمرو بن دینار رحمہما اللہ کے قول کے مطابق کہتے ہیں کہ جب ایک شخص نے کسی سے مکاتبت کی، پھر مالک فوت ہو گیا، پھر مکاتب نے اپنی کتابت ادا کر کے آزادی حاصل کی تو ولاء اس کی ہو گی جس نے کتابت کا معاہدہ کیا تھا۔
شیخ رحمہ اللہ فرماتے ہیں: امام شافعی رحمہ اللہ نے مکاتب کی تقسیم کے بارے میں ان کا قول اختیار نہیں کیا، کیونکہ وہ پہلے فرما چکے ہیں کہ تقسیم تو بیع ہے اور مکاتب کی بیع جائز نہیں ہے۔ [السنن الكبرى للبيهقي/كِتَابُ المُكَاتَبِ/حدیث: 21747]

عبدالملک بن ابی سلیمان رحمہ اللہ، حضرت عطاء رحمہ اللہ سے ایک آدمی کے بارے میں نقل فرماتے ہیں کہ وہ فوت ہو گیا، اس کا مکاتب غلام تھا، فوت ہونے والے کے بیٹے اور بیٹیاں تھیں تو جو کچھ اس (مکاتب) کے ذمہ ہے اس کے وارث عورتیں اور مرد سب ہوں گے، لیکن عورتیں ولاء کی وارث صرف اسی کی ہو سکتی ہیں جس سے انہوں نے خود کتابت کی ہو یا جسے آزاد کیا ہو۔ [السنن الكبرى للبيهقي/كِتَابُ المُكَاتَبِ/حدیث: 21748]

سعید بن مسیب اور ابو سلمہ بن عبدالرحمن رحمہما اللہ ایک ایسے آدمی کے متعلق فرماتے ہیں جو اپنے غلام سے مکاتبت کرتا ہے، پھر وہ فوت ہو جاتا ہے اور اپنے پیچھے بیٹے اور عورت چھوڑتا ہے، تو مکاتب اپنی کتابت ان کو ادا کرتا ہے۔ وہ دونوں فرماتے ہیں کہ ولاء صرف مردوں کو ملے گی، عورتوں کو نہیں۔ [السنن الكبرى للبيهقي/كِتَابُ المُكَاتَبِ/حدیث: 21749]

ابراہیم رحمہ اللہ فرماتے ہیں کہ ایک شخص نے اپنے غلام سے کتابت کی۔ مکاتبت کرنے والا شخص مر گیا، اس نے مرد اور عورتیں چھوڑیں۔ فرماتے ہیں کہ مکاتب کی ولاء سے عورتوں کو کچھ بھی نہ ملے گا، لیکن میراث مردوں اور عورتوں میں تقسیم ہو گی۔ [السنن الكبرى للبيهقي/كِتَابُ المُكَاتَبِ/حدیث: 21750]

مغیرہ رحمہ اللہ کہتے ہیں کہ میں نے ابراہیم رحمہ اللہ سے سوال کیا کہ آدمی فوت ہو جائے، اس کے مکاتب کو چھوڑا تو ورثاء نے مکاتب کو آزاد کر دیا تو ولاء کس کا حق ہے؟ فرمایا: میت کا حق ہے۔ [السنن الكبرى للبيهقي/كِتَابُ المُكَاتَبِ/حدیث: 21751]