سیدہ عائشہ صدیقہ رضی اللہ عنہا بیان کرتی ہیں: ایک دن میں نبی اکرم صلی اللہ علیہ وسلم کی خدمت میں حاضر ہوئی آپ اس وقت نماز کی مخصوص جگہ پر کھڑے ہوئے نماز ادا کر رہے تھے، اور دروازہ بند تھا وہ دروازہ قبلہ والی سمت میں تھا لیکن نماز کی جگہ سے ذرا ہٹ کے تھی میں نے دروازہ کھولنے کے لئے کہا: جب آپ نے میری آواز سنی تو آپ نے اپنا ہاتھ بڑھایا اور دروازہ کھول دیا اور پھر آپ نے اپنی نماز جاری رکھی۔
یہ روایت امام طبرانی نے معجم اوسط میں نقل کی ہے، اس کی سند میں ایک راوی عبداللہ بن صالح ہے، جس کا ذکر اس سے پہلے والے باب میں ہوا ہے، اور یہ حدیث امام ابوداؤ اور امام ترمذی اور امام نسائی رحمہ اللہ نے نقل کی ہے، تاہم انہوں نے یہ الفاظ نقل کیے ہیں: ”نبی اکرم صلی اللہ علیہ وسلم گھر میں نماز ادا کر رہے تھے دروازہ بند تھا نبی اکرم صلی اللہ علیہ وسلم نے سیدہ عائشہ رضی اللہ عنہا کے لئے دروازہ کھولا اور پھر اپنی جگہ چلے گئے“۔ یوں لگتا ہے کہ وہ دوسرا واقعہ ہے، جو گھر کے بارے میں ہے، اور یہ واقعہ مسجد کے بارے میں ہے۔ [مجمع الزاوئد ومنبع الفوائد/كِتَابُ الصَّلَاةِ/حدیث: 2460]