(نبی کریم صلی اللہ علیہ وسلم نے فرمایا:)
”میری امت میرے پاس حوض پر آئے گی، اور میں لوگوں کو اس سے ہٹاؤں گا جیسے کوئی آدمی دوسرے کے اونٹوں کو اپنے اونٹوں سے ہٹاتا ہے۔ صحابہ نے عرض کیا: اے اللہ کے نبی! کیا آپ ہمیں پہچانیں گے؟ آپ صلی اللہ علیہ وسلم نے فرمایا: ہاں، تمہاری ایک ایسی نشانی ہو گی جو تمہارے سوا کسی اور کی نہیں ہو گی، تم وضو کے اثرات کی وجہ سے روشن پیشانیوں اور ہاتھ پاؤں کے ساتھ میرے پاس آؤ گے، لیکن تم میں سے ایک گروہ کو ضرور مجھ سے ہٹا دیا جائے گا، وہ مجھ تک نہ پہنچ سکیں گے، تو میں کہوں گا: اے میرے رب! یہ تو میرے ساتھی ہیں! تو ایک فرشتہ مجھے جواب دے گا اور کہے گا: کیا آپ کو معلوم ہے کہ انہوں نے آپ کے بعد کیا نئی باتیں ایجاد کیں؟“ [صحيح الجامع الصغير وزيادته/حَرْفُ التَّاءِ./حدیث: 2936]