(نبی کریم صلی اللہ علیہ وسلم نے فرمایا:)
”جنت والوں میں سے ایک آدمی کو قیامت کے دن لایا جائے گا، تو اس سے کہا جائے گا: اے ابن آدم! تم نے اپنا ٹھکانہ کیسا پایا؟ وہ کہے گا: اے رب! بہترین ٹھکانہ۔ اللہ فرمائے گا: مانگ اور تمنا کر۔ وہ کہے گا: اے رب! میں کچھ نہیں مانگتا اور نہ کوئی تمنا کرتا ہوں سوائے اس کے کہ تو مجھے دنیا میں واپس بھیج دے تاکہ میں تیری راہ میں دس بار قتل ہوں، شہادت کی فضیلت دیکھ کر۔ اور جہنم والوں میں سے ایک آدمی کو لایا جائے گا، تو اس سے کہا جائے گا: اے ابن آدم! تم نے اپنا ٹھکانہ کیسا پایا؟ وہ کہے گا: اے رب! بدترین ٹھکانہ۔ اللہ فرمائے گا: کیا تم زمین بھر سونا دے کر اس سے چھٹکارا حاصل کرنا چاہو گے؟ وہ کہے گا: اے رب! ہاں۔ اللہ فرمائے گا: تم نے جھوٹ کہا، میں نے تو تم سے اس سے بھی کم اور آسان چیز مانگی تھی، مگر تم نے نہیں کی، پس اسے جہنم میں واپس لوٹا دیا جائے گا۔“ [صحيح الجامع الصغير وزيادته/حَرْفُ الْيَاءِ/حدیث: 7996]