(نبی کریم صلی اللہ علیہ وسلم نے فرمایا:)
”میری امت میں سے ایک آدمی کو قیامت کے دن سب مخلوقات کے سامنے بلایا جائے گا، تو اس کے سامنے ننانوے رجسٹر کھولے جائیں گے، ہر رجسٹر حد نگاہ تک پھیلا ہوا ہو گا، پھر اللہ تبارک و تعالیٰ فرمائے گا: کیا تجھے ان میں سے کوئی چیز نامنظور ہے؟ وہ کہے گا: نہیں، اے رب۔ اللہ فرمائے گا: کیا میرے حفاظت کرنے والے فرشتوں نے تجھ پر ظلم کیا ہے؟ وہ کہے گا: نہیں، اے رب۔ پھر اللہ فرمائے گا: کیا تیرے پاس کوئی عذر ہے؟ کیا تیرے پاس کوئی نیکی ہے؟ تو وہ آدمی گھبرا کر کہے گا: نہیں۔ اللہ فرمائے گا: کیوں نہیں، ہمارے پاس تیری ایک نیکی موجود ہے، اور آج تجھ پر کوئی ظلم نہیں کیا جائے گا۔ تو اس کے لیے ایک پرچی نکالی جائے گی جس پر لکھا ہو گا: «أَشْهَدُ أَنْ لَا إِلَهَ إِلَّا اللَّهُ وَأَنَّ مُحَمَّدًا عَبْدُهُ وَرَسُولُهُ» (میں گواہی دیتا ہوں کہ اللہ کے سوا کوئی سچا معبود نہیں اور یہ کہ محمد صلی اللہ علیہ وسلم اس کے بندے اور رسول ہیں)۔ وہ کہے گا: اے رب! ان رجسٹروں کے مقابلے میں اس پرچی کی کیا حیثیت ہے؟ اللہ فرمائے گا: تجھ پر ظلم نہیں کیا جائے گا۔ تو ترازو کے ایک پلڑے میں رجسٹر رکھے جائیں گے اور دوسرے پلڑے میں وہ پرچی، تو رجسٹر ہلکے پڑ جائیں گے اور پرچی بھاری ہو جائے گی۔“ [صحيح الجامع الصغير وزيادته/حَرْفُ الْيَاءِ/حدیث: 8095]