ابوعثمان نہدی رحمہ اللہ سیدنا ابوسعید خدری رضی اللہ عنہ سے روایت کرتے ہیں، وہ کہتے ہیں: سیدنا معاویہ رضی اللہ عنہ مسجد میں ایک حلقے پر نکلے تو فرمایا: تمہیں کس چیز نے بٹھایا ہے؟ انہوں نے کہا: ہم بیٹھے اللہ کو یاد کر رہے ہیں۔ انہوں نے کہا: اللہ کی قسم! تمہیں اسی چیز نے بٹھایا ہے؟ انہوں نے کہا: اللہ کی قسم! ہمیں اسی چیز نے بٹھایا ہے۔ انہوں نے کہا: سن لو! میں نے تم سے قسم اس لیے نہیں لی کہ مجھے تم پر شبہ تھا، اور رسول اللہ صلی اللہ علیہ وسلم کے ہاں میرے جیسا مقام رکھنے والا کوئی شخص ایسا نہیں جس نے آپ صلی اللہ علیہ وسلم سے مجھ سے کم حدیث بیان کی ہو، اور رسول اللہ صلی اللہ علیہ وسلم اپنے صحابہ کے ایک حلقے پر نکلے تو فرمایا: ”تمہیں کس چیز نے بٹھایا ہے؟“ انہوں نے عرض کیا: ہم بیٹھے اللہ کو یاد کر رہے ہیں اور اس کی حمد کر رہے ہیں کہ اس نے ہمیں اسلام کی ہدایت دی اور آپ کے ذریعے ہم پر احسان کیا۔ آپ صلی اللہ علیہ وسلم نے فرمایا: ”اللہ کی قسم! تمہیں اسی چیز نے بٹھایا ہے؟“ انہوں نے عرض کیا: اللہ کی قسم! ہمیں اسی چیز نے بٹھایا ہے۔ آپ صلی اللہ علیہ وسلم نے فرمایا: ”سن لو! میں نے تم سے قسم اس لیے نہیں لی کہ مجھے تم پر شک تھا، بلکہ میرے پاس جبریل علیہ السلام آئے اور مجھے خبر دی کہ اللہ عزوجل تمہاری وجہ سے فرشتوں کے سامنے فخر کرتا ہے۔“ [المعجم الكبير للطبراني/باب الميم/حدیث: 16750]