محمد بن یوسف رحمہ اللہ، آلِ عثمان کے آزاد کردہ غلام، کہتے ہیں: مؤذن نے اذان دی اور کہا: اللہ اکبر، تو معاویہ رضی اللہ عنہ نے فرمایا: ”اللہ اکبر۔“ مؤذن نے کہا: میں گواہی دیتا ہوں کہ اللہ کے سوا کوئی معبود نہیں، تو معاویہ رضی اللہ عنہ نے فرمایا: ”میں گواہی دیتا ہوں کہ اللہ کے سوا کوئی معبود نہیں۔“ مؤذن نے کہا: میں گواہی دیتا ہوں کہ محمد ( صلی اللہ علیہ وسلم ) اللہ کے رسول ہیں، تو معاویہ رضی اللہ عنہ نے فرمایا: ”میں گواہی دیتا ہوں کہ محمد ( صلی اللہ علیہ وسلم ) اللہ کے رسول ہیں۔“ پھر معاویہ رضی اللہ عنہ نے فرمایا: ”میں نے رسول اللہ صلی اللہ علیہ وسلم کو اسی طرح سنا ہے۔“ [المعجم الكبير للطبراني/باب الميم/حدیث: 16853]