عمرو بن دینار رحمہ اللہ کہتے ہیں: میں نے وہب بن منبہ رحمہ اللہ کو صنعاء میں سنا، اور انہوں نے مجھے اپنے گھر میں اخروٹ کھلایا، وہ اپنے بھائی سے، وہ سیدنا معاویہ رضی اللہ عنہ سے روایت کر رہے تھے کہ رسول اللہ صلی اللہ علیہ وسلم نے فرمایا: ”مانگنے میں اصرار نہ کرو، اللہ کی قسم! تم میں سے جو کوئی بھی مجھ سے کوئی چیز مانگے اور مانگنے کی وجہ سے مجھ سے وہ نکل آئے اور میں اسے ناپسند کرتے ہوئے دے دوں، تو جو کچھ میں نے اسے دیا اس میں اس کے لیے برکت نہیں ہوتی۔“ [المعجم الكبير للطبراني/باب الميم/حدیث: 16857]

وہب بن منبہ رحمہ اللہ اپنے بھائی سے، وہ سیدنا معاویہ بن ابی سفیان رضی اللہ عنہ سے روایت کرتے ہیں کہ رسول اللہ صلی اللہ علیہ وسلم نے فرمایا: ”آدمی مجھ سے کوئی چیز مانگتا ہے تو میں اسے روک لیتا ہوں تاکہ تم سفارش کرو اور تمہیں اجر ملے۔“ [المعجم الكبير للطبراني/باب الميم/حدیث: 16858]