محمد بن سیرین رحمہ اللہ کہتے ہیں: جب معاویہ رضی اللہ عنہ نے یزید کے لیے بیعت لی تو حج کے لیے نکلے، مدینہ سے گزرے تو لوگوں کو خطبہ دیا اور فرمایا: ہم نے یزید کی بیعت کر لی ہے، پس تم بھی بیعت کرو۔ اس پر حسین بن علی رضی اللہ عنہ کھڑے ہوئے اور کہا: اللہ کی قسم! میں اس کا اس سے زیادہ حقدار ہوں، کیونکہ میرا باپ اس کے باپ سے بہتر ہے، اور میرا دادا اس کے دادا سے بہتر ہے، اور میری ماں اس کی ماں سے بہتر ہے، اور میں اس سے بہتر ہوں۔ تو معاویہ رضی اللہ عنہ نے فرمایا: ”رہی تمہاری یہ بات کہ تمہارا دادا اس کے دادا سے بہتر ہے، تو تم نے سچ کہا، رسول اللہ صلی اللہ علیہ وسلم ابوسفیان بن حرب سے بہتر ہیں، اور رہی تمہاری یہ بات کہ تمہاری ماں اس کی ماں سے بہتر ہے، تو تم نے سچ کہا، رسول اللہ صلی اللہ علیہ وسلم کی بیٹی فاطمہ، مِجدل کی بیٹی سے بہتر ہیں، اور رہی تمہاری یہ بات کہ تمہارا باپ اس کے باپ سے بہتر ہے، تو اس کے باپ نے تمہارے باپ سے مقابلہ کیا تھا اور اللہ نے تمہارے باپ کے مقابلے میں اس کے باپ کے حق میں فیصلہ کیا تھا، اور رہی تمہاری یہ بات کہ تم اس سے بہتر ہو، تو وہ تم سے زیادہ سمجھدار اور عقلمند ہے، اس کے بدلے مجھے تمہارے جیسے ایک ہزار بھی ملیں تو مجھے خوشی نہ ہو۔“ [المعجم الكبير للطبراني/باب الميم/حدیث: 16882]