سیدنا مغیرہ بن شعبہ رضی اللہ عنہ کے کاتب بیان کرتے ہیں کہ معاویہ بن ابی سفیان رضی اللہ عنہ نے مغیرہ رضی اللہ عنہ کو لکھ کر پوچھا: کیا تم نے رسول اللہ صلی اللہ علیہ وسلم سے نماز کے بعد کچھ کہتے سنا؟ تو مغیرہ بن شعبہ رضی اللہ عنہ نے کہا: میں نے رسول اللہ صلی اللہ علیہ وسلم کو نماز کے بعد یہ فرماتے سنا: ”اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں، اسی کی بادشاہت ہے اور اسی کے لیے تمام تعریفیں ہیں، اور وہ ہر چیز پر قادر ہے۔ اے اللہ! جو تو دے اسے کوئی روکنے والا نہیں، اور جو تو روک لے اسے کوئی دینے والا نہیں، اور کسی بزرگی والے کو اس کی بزرگی تیرے مقابلے میں کوئی فائدہ نہیں دیتی۔“ [المعجم الكبير للطبراني/باب الميم/حدیث: 18061]

سیدنا مغیرہ بن شعبہ رضی اللہ عنہ کے کاتب بیان کرتے ہیں کہ معاویہ رضی اللہ عنہ نے مغیرہ بن شعبہ رضی اللہ عنہ کو لکھا: کیا رسول اللہ صلی اللہ علیہ وسلم نماز کے بعد کچھ کہا کرتے تھے؟ انہوں نے کہا: آپ صلی اللہ علیہ وسلم فرماتے: ”اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں، اسی کی بادشاہت ہے اور اسی کے لیے تمام تعریفیں ہیں، اور وہ ہر چیز پر قادر ہے۔ اے اللہ! جو تو دے اسے کوئی روکنے والا نہیں، اور جو تو روک لے اسے کوئی دینے والا نہیں، اور کسی بزرگی والے کو اس کی بزرگی تیرے مقابلے میں کوئی فائدہ نہیں دیتی۔“ [المعجم الكبير للطبراني/باب الميم/حدیث: 18062]

سیدنا مغیرہ رضی اللہ عنہ کے کاتب، مغیرہ رضی اللہ عنہ سے روایت کرتے ہیں کہ رسول اللہ صلی اللہ علیہ وسلم نے موزے کے اوپری اور نچلے دونوں حصوں پر مسح فرمایا۔ [المعجم الكبير للطبراني/باب الميم/حدیث: 18063]