اللہ تعالیٰ کے اس ارشاد کے بیان میں کہ ”اور یہودیوں نے کہا کہ اللہ کا ہاتھ بندھ گیا ہے، (حقیقت میں) ان ہی کے ہاتھ جکڑے گئے اور وہ اپنے اس قول کے باعث ملعون قرار دیے گئے، بلکہ اللہ کے دونوں ہاتھ کشادہ ہیں، وہ جس طرح چاہتا ہے خرچ کرتا ہے، اور (اے نبی!) آپ کے رب کی طرف سے جو کچھ آپ پر نازل کیا گیا ہے وہ ان میں سے بہت سے لوگوں کی سرکشی اور کفر میں مزید اضافے کا باعث بنے گا، اور ہم نے ان کے درمیان روزِ قیامت تک کے لیے دشمنی اور بغض ڈال دیا ہے، جب کبھی یہ جنگ کی آگ بھڑکاتے ہیں تو اللہ اسے بجھا دیتا ہے، اور یہ زمین میں فساد پھیلانے کی تگ و دو کرتے ہیں، اور اللہ فساد مچانے والوں کو پسند نہیں فرماتا۔“