اللہ تعالیٰ کے اس ارشاد کے بیان میں ”اے ایمان والو! جب تم میں سے کسی کی موت کا وقت قریب آ جائے تو وصیت کے وقت تمہارے باہمی معاملے میں گواہی کے لیے تم ہی میں سے دو عادل شخص ہونے چاہئیں، یا تمہارے علاوہ دوسروں میں سے دو گواہ ہوں اگر تم زمین میں سفر کر رہے ہو اور تمہیں موت کی مصیبت آ پہنچے؛ تم ان دونوں گواہوں کو نماز کے بعد روک لو، پھر اگر تمہیں ان کی صداقت میں شک ہو تو وہ اللہ کی قسم کھائیں کہ ہم اس قسم کے عوض کوئی معمولی قیمت (مالی فائدہ) حاصل نہیں کرنا چاہتے خواہ وہ ہمارا قریبی رشتہ دار ہی کیوں نہ ہو، اور نہ ہی ہم اللہ کی گواہی کو چھپائیں گے، کیونکہ اگر ہم ایسا کریں تو یقیناً گناہ گاروں میں سے ہوں گے۔ پھر اگر اس بات کی اطلاع ہو جائے کہ وہ دونوں کسی گناہ کے مرتکب ہوئے ہیں (یعنی انہوں نے جھوٹی گواہی دی یا خیانت کی ہے)، تو ان لوگوں میں سے جن کا حق مارا گیا ہے دو ایسے شخص جو میت کے قریب ترین وارث ہوں، ان پہلے گواہوں کی جگہ کھڑے ہوں، پھر وہ اللہ کی قسم کھائیں کہ یقیناً ہماری گواہی ان دونوں کی گواہی سے زیادہ برحق ہے اور ہم نے کوئی زیادتی نہیں کی ہے، ورنہ ہم یقیناً ظالموں میں سے ہوں گے۔“