(نبی کریم صلی اللہ علیہ وسلم نے فرمایا:)
”اپنی رات کی آخری نماز وتر کو بناؤ۔“ [صحيح الجامع الصغير وزيادته/[حرف الألف] -- اج/حدیث: 151]

(نبی کریم صلی اللہ علیہ وسلم نے فرمایا:)
”اپنے اور حرام کے درمیان حلال کی ایک آڑ بنا لو، جس نے ایسا کیا اس نے اپنی عزت اور اپنے دین کو محفوظ کر لیا، اور جو اس (مشتبہ چیزوں) میں پڑ گیا تو اس کی مثال اس چرواہے کی سی ہے جو ممنوعہ چراگاہ کے اردگرد اپنے جانور چراتا ہے، قریب ہے کہ وہ اس میں جا پڑیں۔ اور بے شک ہر بادشاہ کی ایک ممنوعہ چراگاہ ہوتی ہے، اور بلاشبہ زمین میں اللہ کی ممنوعہ چراگاہ اس کی حرام کردہ چیزیں ہیں۔“ [صحيح الجامع الصغير وزيادته/[حرف الألف] -- اج/حدیث: 152]

(نبی کریم صلی اللہ علیہ وسلم نے فرمایا:)
”اپنے اور جہنم کی آگ کے درمیان آڑ بناؤ، خواہ کھجور کا ایک ٹکڑا (صدقہ کر کے) ہی کیوں نہ ہو۔“ [صحيح الجامع الصغير وزيادته/[حرف الألف] -- اج/حدیث: 153]

(نبی کریم صلی اللہ علیہ وسلم نے فرمایا:)
”اپنی کچھ نمازیں (سنتیں اور نوافل) اپنے گھروں میں پڑھا کرو اور انہیں قبرستان نہ بناؤ۔“ [صحيح الجامع الصغير وزيادته/[حرف الألف] -- اج/حدیث: 154]

(نبی کریم صلی اللہ علیہ وسلم نے فرمایا:)
”بیٹھ جاؤ، تم نے لوگوں کو تکلیف دی اور تم دیر سے آئے۔“ (یہ آپ صلی اللہ علیہ وسلم نے اس شخص سے فرمایا جو جمعہ کے دن لوگوں کی گردنیں پھلانگ کر آ رہا تھا)۔ [صحيح الجامع الصغير وزيادته/[حرف الألف] -- اج/حدیث: 155]

(نبی کریم صلی اللہ علیہ وسلم نے فرمایا:)
”اے ابو تراب! بیٹھ جائیے۔“ (یہ آپ صلی اللہ علیہ وسلم نے حضرت علی رضی اللہ عنہ سے فرمایا)۔ [صحيح الجامع الصغير وزيادته/[حرف الألف] -- اج/حدیث: 156]

(نبی کریم صلی اللہ علیہ وسلم نے فرمایا:)
”دنیا طلب کرنے میں میانہ روی اختیار کرو، کیونکہ ہر شخص کے لیے وہی کچھ آسان کر دیا گیا ہے جو اس کے مقدر میں لکھ دیا گیا ہے۔“ [صحيح الجامع الصغير وزيادته/[حرف الألف] -- اج/حدیث: 157]

(نبی کریم صلی اللہ علیہ وسلم نے فرمایا:)
”دعوت دینے والے کی دعوت قبول کرو، ہدیہ (تحفہ) واپس نہ کرو اور مسلمانوں کو مت مارو۔“ [صحيح الجامع الصغير وزيادته/[حرف الألف] -- اج/حدیث: 158]

(نبی کریم صلی اللہ علیہ وسلم نے فرمایا:)
”جب تمہیں اس دعوت (ولیمہ وغیرہ) کے لیے بلایا جائے تو اسے قبول کیا کرو۔“ [صحيح الجامع الصغير وزيادته/[حرف الألف] -- اج/حدیث: 159]

(نبی کریم صلی اللہ علیہ وسلم نے فرمایا:)
”اللہ تعالیٰ کے نزدیک سب سے پسندیدہ دین دینِ حنیف (یکسوئی والا دین) ہے جس میں نرمی اور آسانی ہے۔“ [صحيح الجامع الصغير وزيادته/[حرف الألف] -- اج/حدیث: 160]