(نبی کریم صلی اللہ علیہ وسلم نے فرمایا:)
”شراب پینے والا بت پرست کی مانند ہے، اور شراب پینے والا لات اور عزیٰ کے پجاری کی مانند ہے۔“ [صحيح الجامع الصغير وزيادته/حرف الشين./حدیث: 3701]

(نبی کریم صلی اللہ علیہ وسلم نے فرمایا:)
”یہ چہرے بگڑ جائیں!“ [صحيح الجامع الصغير وزيادته/حرف الشين./حدیث: 3702]

(نبی کریم صلی اللہ علیہ وسلم نے فرمایا:)
”تمہارے دو گواہ (لاؤ) یا اس کی قسم (لے لو)۔“ [صحيح الجامع الصغير وزيادته/حرف الشين./حدیث: 3703]

(نبی کریم صلی اللہ علیہ وسلم نے فرمایا:)
”میری امت کے بدترین لوگ وہ ہیں جو بہت باتونی، بناوٹ سے بات کرنے والے اور خود نمائی سے بولنے والے ہیں، اور میری امت کے بہترین لوگ وہ ہیں جن کے اخلاق سب سے اچھے ہیں۔“ [صحيح الجامع الصغير وزيادته/حرف الشين./حدیث: 3704]

(نبی کریم صلی اللہ علیہ وسلم نے فرمایا:)
”میری امت کے بدترین لوگ وہ ہیں جو نازونعمت میں پلے بڑھے، جو طرح طرح کے کھانے کھاتے ہیں، طرح طرح کے کپڑے پہنتے ہیں اور بات کرنے میں بناوٹ سے کام لیتے ہیں۔“ [صحيح الجامع الصغير وزيادته/حرف الشين./حدیث: 3705]

(نبی کریم صلی اللہ علیہ وسلم نے فرمایا:)
”سب سے برا کھانا ولیمے کا وہ کھانا ہے جس میں آنے والوں کو روکا جائے اور نہ آنے والوں کو بلایا جائے، اور جو دعوت قبول نہ کرے اس نے اللہ اور اس کے رسول کی نافرمانی کی۔“ [صحيح الجامع الصغير وزيادته/حرف الشين./حدیث: 3706]

(نبی کریم صلی اللہ علیہ وسلم نے فرمایا:)
”سب سے بری کمائی زانیہ کی اجرت، کتے کی قیمت اور پچھنے لگانے والے کی کمائی ہے۔“ [صحيح الجامع الصغير وزيادته/حرف الشين./حدیث: 3707]

(نبی کریم صلی اللہ علیہ وسلم نے فرمایا:)
”سب سے برا آدمی وہ ہے جس سے اللہ کے واسطے سے مانگا جائے اور وہ پھر بھی نہ دے۔“ [صحيح الجامع الصغير وزيادته/حرف الشين./حدیث: 3708]

(نبی کریم صلی اللہ علیہ وسلم نے فرمایا:)
”آدمی میں سب سے بری چیز حد سے بڑھی ہوئی بخیلی اور ایسی بزدلی ہے جو اسے بے حوصلہ کر دے۔“ [صحيح الجامع الصغير وزيادته/حرف الشين./حدیث: 3709]

(نبی کریم صلی اللہ علیہ وسلم نے فرمایا:)
”مومن کی عزت رات کی نماز میں ہے، اور اس کی وقعت لوگوں کے ہاتھ میں موجود چیزوں سے بے نیاز رہنے میں ہے۔“ [صحيح الجامع الصغير وزيادته/حرف الشين./حدیث: 3710]