(نبی کریم صلی اللہ علیہ وسلم نے فرمایا:)
”میں یہود و نصاریٰ کو جزیرہ عرب سے ضرور نکال دوں گا، یہاں تک کہ صرف مسلمان ہی باقی چھوڑوں گا۔“ [صحيح الجامع الصغير وزيادته/حرف اللام./حدیث: 5026]

(نبی کریم صلی اللہ علیہ وسلم نے فرمایا:)
”میں اپنے حوض سے کچھ لوگوں کو ضرور دھتکار دوں گا جیسے اجنبی اونٹنی کو ریوڑ سے دھتکارا جاتا ہے۔“ [صحيح الجامع الصغير وزيادته/حرف اللام./حدیث: 5027]

(نبی کریم صلی اللہ علیہ وسلم نے فرمایا:)
”میں اپنی امت کے کچھ لوگوں کو ضرور جانتا ہوں جو قیامت کے دن تہامہ کے سفید پہاڑوں جیسی نیکیاں لے کر آئیں گے، تو اللہ تعالیٰ انہیں بکھرا ہوا غبار بنا دے گا۔ سن لو! وہ تمہارے بھائی اور تمہاری ہی جنس میں سے ہوں گے، وہ رات کو اسی طرح عبادت کریں گے جیسے تم کرتے ہو، لیکن وہ ایسے لوگ ہوں گے کہ جب اللہ کی حرام کردہ چیزوں کے ساتھ تنہا ہوں گے تو ان کی حرمت پامال کر دیں گے۔“ [صحيح الجامع الصغير وزيادته/حرف اللام./حدیث: 5028]

(نبی کریم صلی اللہ علیہ وسلم نے فرمایا:)
”میں اللہ سے اس حال میں ملوں گا کہ میں نے کسی کے مال میں سے کسی کو اس کی دلی رضامندی کے بغیر کچھ نہیں دیا، بیع تو صرف باہمی رضامندی سے ہوتی ہے۔“ [صحيح الجامع الصغير وزيادته/حرف اللام./حدیث: 5029]

(نبی کریم صلی اللہ علیہ وسلم نے فرمایا:)
”اللہ تعالیٰ اپنے بندے کی توبہ سے، جب وہ اس کی طرف رجوع کرتا ہے، تم میں سے اس شخص سے کہیں زیادہ خوش ہوتا ہے جو کسی سنسان زمین میں اپنی سواری پر تھا کہ وہ اس سے چھوٹ کر بھاگ گئی، جس پر اس کا کھانا پینا لدا ہوا تھا، وہ اس سے مایوس ہو گیا، پھر ایک درخت کے پاس آیا اور اس کے سائے میں لیٹ گیا، اپنی سواری سے مایوس ہو چکا تھا کہ اچانک وہ سواری اس کے پاس کھڑی نظر آئی، اس نے اس کی نکیل پکڑ لی، پھر خوشی کی شدت سے کہنے لگا: اے اللہ! تو میرا بندہ ہے اور میں تیرا رب ہوں! اس نے خوشی کی شدت سے یہ غلطی کر دی۔“ [صحيح الجامع الصغير وزيادته/حرف اللام./حدیث: 5030]

(نبی کریم صلی اللہ علیہ وسلم نے فرمایا:)
”اللہ تعالیٰ اپنے بندے کی توبہ سے اس شخص سے کہیں زیادہ خوش ہوتا ہے جسے اس کا وہ اونٹ مل جائے جسے وہ کسی سنسان زمین میں کھو چکا تھا۔“ [صحيح الجامع الصغير وزيادته/حرف اللام./حدیث: 5031]

(نبی کریم صلی اللہ علیہ وسلم نے فرمایا:)
”اللہ تعالیٰ تم میں سے کسی کی توبہ سے تم میں سے اس شخص کی نسبت زیادہ خوش ہوتا ہے جسے اس کی گم شدہ چیز مل جائے جب وہ اسے پا لے۔“ [صحيح الجامع الصغير وزيادته/حرف اللام./حدیث: 5032]

(نبی کریم صلی اللہ علیہ وسلم نے فرمایا:)
”اللہ تعالیٰ بندے کی توبہ سے اس آدمی کی نسبت زیادہ خوش ہوتا ہے جو کسی ایسی جگہ اترا جہاں اس کی ہلاکت کا خطرہ تھا، اس کے ساتھ اس کی سواری تھی جس پر اس کا کھانا پینا لدا ہوا تھا، اس نے اپنا سر رکھا اور سو گیا، پھر جب بیدار ہوا تو اس کی سواری جا چکی تھی، وہ اسے تلاش کرتا رہا یہاں تک کہ جب گرمی اور پیاس اس پر شدید ہو گئی تو اس نے کہا: میں اپنی اسی جگہ واپس چلا جاتا ہوں جہاں پہلے تھا اور وہیں سو جاتا ہوں یہاں تک کہ مر جاؤں، پھر اس نے اپنا سر اٹھایا تو اس کی سواری اس کے پاس کھڑی تھی جس پر اس کا زادِ راہ، اس کا کھانا اور پینا موجود تھا! تو اللہ تعالیٰ مومن بندے کی توبہ سے اس شخص کی نسبت زیادہ خوش ہوتا ہے جسے اپنی سواری اور زادِ راہ مل گیا ہو۔“ [صحيح الجامع الصغير وزيادته/حرف اللام./حدیث: 5033]

(نبی کریم صلی اللہ علیہ وسلم نے فرمایا:)
”اللہ تعالیٰ تجھ پر اس سے کہیں زیادہ قادر ہے جتنا تو اس پر قادر ہے۔“ [صحيح الجامع الصغير وزيادته/حرف اللام./حدیث: 5034]

(نبی کریم صلی اللہ علیہ وسلم نے فرمایا:)
”میرے نزدیک انگارے پر قدم رکھنا اس سے زیادہ پسندیدہ ہے کہ میں کسی قبر پر قدم رکھوں۔“ [صحيح الجامع الصغير وزيادته/حرف اللام./حدیث: 5035]