اللہ تعالیٰ کا ارشاد: ”یا پھر ان کی مثال آسمان سے برسنے والی اس موسلا دھار بارش کی طرح ہے جس میں تاریکیاں، گرج اور بجلی کی چمک ہو، وہ کڑک کے باعث موت کے خوف سے اپنی انگلیاں اپنے کانوں میں دے لیتے ہیں، اور اللہ کافروں کو اپنے احاطۂ قدرت میں لیے ہوئے ہے، قریب ہے کہ بجلی ان کی بینائی اچک لے، جب کبھی وہ ان کے لیے چمکتی ہے تو وہ اس کی روشنی میں چلنے لگتے ہیں اور جب ان پر اندھیرا چھا جاتا ہے تو وہ ٹھٹک کر کھڑے رہ جاتے ہیں، اور اگر اللہ چاہتا تو ان کی سماعت اور بصارت کو سلب کر لیتا، بے شک اللہ ہر چیز پر پوری قدرت رکھنے والا ہے۔“