اللہ تعالیٰ کے اس فرمان کا بیان کہ: ”نیکی محض یہ نہیں ہے کہ تم اپنے چہرے مشرق یا مغرب کی طرف پھیر لو، بلکہ اصل نیکی تو اس شخص کی ہے جو اللہ پر، یومِ آخرت پر، فرشتوں پر، کتاب پر اور تمام انبیاء پر ایمان لائے، اور مال کی محبت کے باوجود اسے رشتہ داروں، یتیموں، مسکینوں، مسافروں، سوال کرنے والوں اور غلاموں کی گردنیں چھڑانے میں خرچ کرے، اور وہ جو نماز قائم کرے اور زکوٰۃ ادا کرے، اور جب وہ عہد کر لیں تو اپنے عہد کو پورا کرنے والے ہوں، اور جو تنگدستی، بیماری اور جنگ کی شدت کے وقت صبر کرنے والے ہوں؛ یہی وہ لوگ ہیں جو (اپنے دعویِٰ ایمان میں) سچے ثابت ہوئے اور یہی لوگ حقیقت میں متقی ہیں۔“