اللہ تعالیٰ کا ارشاد ہے: ”ابتداءً سب لوگ ایک ہی امت (دینِ حق) پر تھے، پھر (جب ان میں اختلافات پیدا ہوئے تو) اللہ نے خوشخبری سنانے والے اور ڈرانے والے انبیاء مبعوث فرمائے اور ان کے ساتھ حق پر مبنی کتاب نازل فرمائی تاکہ وہ لوگوں کے درمیان ان امور کا فیصلہ کر دے جن میں وہ اختلاف کرتے تھے، اور اس میں اختلاف محض انہی لوگوں نے کیا جنہیں وہ کتاب عطا کی گئی تھی باوجود اس کے کہ ان کے پاس واضح دلائل آ چکے تھے، اور یہ (اختلاف) محض باہمی ضد اور سرکشی کی بنا پر تھا، سو اللہ نے اپنے حکم سے ایمان والوں کو اس حق کی ہدایت عطا فرمائی جس میں وہ اختلاف کر رہے تھے، اور اللہ جسے چاہتا ہے صراطِ مستقیم (سیدھے راستے) کی طرف رہنمائی فرماتا ہے۔“