اللہ تعالیٰ کے اس ارشادِ گرامی کے بیان میں کہ ”اور اگر تمہیں یہ اندیشہ ہو کہ تم یتیم لڑکیوں کے معاملے میں انصاف نہ کر سکو گے، تو اپنی پسند کی (دیگر) عورتوں سے نکاح کر لو، دو دو، تین تین اور چار چار، پھر اگر تمہیں یہ خوف لاحق ہو کہ تم (ان کے مابین) عدل نہ کر پاؤ گے، تو پھر ایک ہی (بیوی) پر اکتفا کرو یا ان (کنیزوں) پر جو تمہاری ملکیت میں ہوں، یہ طریقہ اس بات کے زیادہ قریب ہے کہ تم ظلم و ناانصافی اور حق تلفی سے بچے رہو۔“