اللہ تعالیٰ کے اس ارشاد کا بیان کہ ”اے ایمان والو! جب تم رسول (ﷺ) سے تنہائی میں گفتگو کرنا چاہو تو اپنی اس سرگوشی سے پہلے کچھ صدقہ پیش کر دیا کرو، یہ تمہارے لیے زیادہ بہتر اور زیادہ پاکیزگی کی بات ہے، پھر اگر تم (صدقہ کے لیے کچھ) نہ پاؤ تو بے شک اللہ تعالیٰ بہت بخشنے والا، نہایت رحم فرمانے والا ہے۔ کیا تم اس بات سے ڈر گئے کہ اپنی سرگوشی سے پہلے صدقات پیش کرو؟ پھر جب تم نے ایسا نہ کیا اور اللہ نے تمہاری توبہ قبول فرما لی تو (اب) نماز قائم رکھو، زکوٰۃ ادا کرو اور اللہ اور اس کے رسول کی اطاعت کرو، اور جو کچھ تم عمل کرتے ہو اللہ اس سے پوری طرح باخبر ہے۔“