سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم کی خدمت میں عمدہ اور شاداب کھجوریں لائی گئیں، تو آپ صلی اللہ علیہ وسلم نے دریافت فرمایا: ”یہ تمہارے پاس کہاں سے آئیں؟“ صحابہ نے عرض کیا: ہمارے پاس بارش کے پانی پر پلنے والی (معمولی) کھجوریں تھیں، تو ہم نے ان کے دو صاع (عمدہ کھجور کے) ایک صاع کے عوض فروخت کر دیے، تو رسول اللہ صلی اللہ علیہ وسلم نے ارشاد فرمایا: ”اسے اس کے مالک کو واپس کر دو، اور (اپنی کھجوریں پہلے) نقدی کے بدلے بیچو، پھر (اس رقم سے یہ) کھجوریں خریدو۔“
امام طبرانی رحمہ اللہ فرماتے ہیں: ”اس حدیث کو ثابت رحمہ اللہ سے صرف کثیر ابوالفضل رحمہ اللہ نے روایت کیا ہے، اور اسے نقل کرنے میں روح رحمہ اللہ منفرد ہیں۔“ [المعجم الأوسط/باب الألف/حدیث: 1390]