سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے دریافت فرمایا: ”عربوں کا سردار کون ہے؟“ صحابہ کرام نے عرض کیا: ”اے اللہ کے رسول! آپ ہیں۔“ آپ صلی اللہ علیہ وسلم نے ارشاد فرمایا: ”میں تو اولادِ آدم کا سردار ہوں، جبکہ سیدنا علی رضی اللہ عنہ عربوں کے سردار ہیں۔“
امام طبرانی رحمہ اللہ فرماتے ہیں: ”اس حدیث کو حمید رحمہ اللہ سے صرف خاقان رحمہ اللہ نے روایت کیا ہے، اور خاقان رحمہ اللہ سے صرف عمر بن عبدالعزیز رحمہ اللہ نے، جبکہ عبید اللہ الجبیری رحمہ اللہ اس کی روایت میں منفرد ہیں۔“ [المعجم الأوسط/باب الألف/حدیث: 1468]