سیدنا ربیعہ بن عباد دیلی رضی اللہ عنہ سے روایت ہے کہ انہوں نے فرمایا: ”میں نے رسول اللہ صلی اللہ علیہ وسلم کو ہجرت سے پہلے ذوالمجاز کے بازار میں دیکھا، آپ صلی اللہ علیہ وسلم لوگوں کے پاس تشریف لے جا رہے تھے اور فرما رہے تھے: ”اے لوگو! یقیناً اللہ عزوجل تمہیں حکم دیتا ہے کہ تم اسی کی عبادت کرو اور اس کے ساتھ کسی چیز کو شریک نہ ٹھہراؤ۔“ اور آپ صلی اللہ علیہ وسلم کے پیچھے ایک شخص تھا جو کہہ رہا تھا: ”اے لوگو! یہ شخص تمہیں تمہارے باپ دادا کا دین چھوڑنے کا حکم دیتا ہے۔“ میں نے پوچھا: ”یہ کون ہے؟“ تو لوگوں نے بتایا: ”یہ ان کے چچا ابولہب ہیں۔““
امام طبرانی رحمہ اللہ فرماتے ہیں: ”اس حدیث کو زید رحمہ اللہ سے صرف سعید رحمہ اللہ نے روایت کیا ہے، اور ان سے روایت کرنے میں عبدالصمد رحمہ اللہ منفرد ہیں۔“ [المعجم الأوسط/باب الألف/حدیث: 1487]