سیدنا جابر رضی اللہ عنہما سے روایت ہے کہ نبی صلی اللہ علیہ وسلم سیدنا عمار بن یاسر رضی اللہ عنہ اور ان کے گھر والوں کے پاس سے گزرے جبکہ انہیں اللہ عزوجل کی راہ میں اذیتیں دی جا رہی تھیں، تو آپ صلی اللہ علیہ وسلم نے فرمایا: ”خوشخبری ہو اے آلِ یاسر! تمہارے وعدے کی جگہ جنت ہے۔“
امام طبرانی رحمہ اللہ فرماتے ہیں: ”اس حدیث کو ابو الزبیر رحمہ اللہ سے ہشام رحمہ اللہ کے علاوہ کسی نے روایت نہیں کیا، اور ہشام رحمہ اللہ سے مسلم رحمہ اللہ کے علاوہ کسی نے روایت نہیں کیا، اس کی روایت میں ابراہیم بن عبدالعزیز رحمہ اللہ منفرد ہیں۔“ [المعجم الأوسط/باب الألف/حدیث: 1508]