سیدنا ابوموسیٰ رضی اللہ عنہ سے روایت ہے کہ انہوں نے فرمایا: رسول اللہ صلی اللہ علیہ وسلم ہمارے درمیان چار باتیں بیان فرمانے کے لیے کھڑے ہوئے، پس آپ صلی اللہ علیہ وسلم نے ارشاد فرمایا: ”بے شک اللہ عزوجل نہیں سوتا اور نہ ہی سونا اس کے شایانِ شان ہے۔ وہ میزان کو جھکاتا اور بلند فرماتا ہے۔ دن کے عمل رات سے پہلے اور رات کے عمل دن سے پہلے اس کی بارگاہ میں پیش کیے جاتے ہیں۔ اس کا حجاب نور ہے، اگر وہ اسے ہٹا دے تو اس کے رخِ انور کی تجلیات ہر اس چیز کو جلا کر راکھ کر دیں جہاں تک اس کی نگاہ پہنچتی ہے۔“
امام طبرانی رحمہ اللہ فرماتے ہیں: ”اس حدیث کو اعمش رحمہ اللہ سے، بحوالہ عبداللہ بن مرہ، صرف سفیان رحمہ اللہ نے روایت کیا ہے جس میں مؤمل رحمہ اللہ منفرد ہیں، جبکہ دیگر لوگوں نے اسے اعمش سے، بحوالہ عمرو بن مرہ روایت کیا ہے۔“ [المعجم الأوسط/باب الألف/حدیث: 1512]