سیدنا انس رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم نے کسریٰ، قیصر اور ہر جابر (سرکش حکمران) کی طرف خط لکھا، جس میں آپ صلی اللہ علیہ وسلم انہیں اللہ عزوجل کی طرف دعوت دیتے تھے؛ اور یہ اس وقت ہوا جب آپ صلی اللہ علیہ وسلم پر یہ آیت نازل ہوئی: ﴿ وَأُوحِيَ إِلَيَّ هَذَا الْقُرْآنُ لِأُنْذِرَكُمْ بِهِ وَمَنْ بَلَغَ ﴾ ”اور میری طرف یہ قرآن وحی کیا گیا ہے تاکہ میں اس کے ذریعے تمہیں اور جس تک یہ پہنچے اسے (اللہ کے عذاب سے) ڈرا دوں۔““
امام طبرانی رحمہ اللہ فرماتے ہیں: ”اس حدیث کو خلید رحمہ اللہ سے صرف رواد رحمہ اللہ نے روایت کیا ہے۔“ [المعجم الأوسط/باب الألف/حدیث: 1540]