سیدنا عبداللہ بن عمرو رضی اللہ عنہما سے روایت ہے کہ انہوں نے عرض کیا: ”اے اللہ کے رسول! ہم آپ سے ایسی باتیں سنتے ہیں جنہیں ہم یاد رکھنا چاہتے ہیں، تو کیا ہم انہیں لکھ لیا کریں؟“ آپ صلی اللہ علیہ وسلم نے فرمایا: ”ہاں۔“ میں نے عرض کیا: ”کیا غصے اور خوشی (ہر حال) میں بھی؟“ تو آپ صلی اللہ علیہ وسلم نے فرمایا: ”ہاں، کیونکہ میں غصے اور خوشی (دونوں حالتوں) میں حق کے سوا کچھ نہیں کہتا۔“
امام طبرانی رحمہ اللہ فرماتے ہیں: ”اس حدیث کو عطا سے صرف ابو کدینہ نے، اور ابو کدینہ سے صرف محمد نے روایت کیا ہے، جبکہ اسے بیان کرنے میں احمد بن عثمان منفرد ہیں۔“ [المعجم الأوسط/باب الألف/حدیث: 1553]