سیدنا سلمان رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جب زبانی کلام (دعوے) غالب آ جائے گا اور عمل کو پسِ پشت ڈال دیا جائے گا، زبانیں (باہمی نفاق کی وجہ سے) مختلف ہو جائیں گی، دلوں میں ایک دوسرے کے لیے بغض پیدا ہو جائے گا اور ہر ذی رحم اپنے رشتہ دار سے قطع رحمی کرے گا، تو اس وقت اللہ تعالیٰ ان پر لعنت فرمائے گا، پس وہ انہیں (حق سننے سے) بہرہ کر دے گا اور ان کی آنکھوں کو (حق دیکھنے سے) اندھا کر دے گا۔“
امام طبرانی رحمہ اللہ فرماتے ہیں: ”سیدنا سلمان رضی اللہ عنہ سے یہ دونوں احادیث صرف اسی سند کے ساتھ مروی ہیں، اور ان کی روایت میں محمد بن عمار رحمہ اللہ منفرد ہیں۔“ [المعجم الأوسط/باب الألف/حدیث: 1578]