سیدنا جابر بن سمرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”جب نماز کی اقامت کہی جائے تو اس وقت تک کھڑے نہ ہوا کرو جب تک کہ تم مجھے (آتے ہوئے) دیکھ نہ لو۔“
امام طبرانی رحمہ اللہ فرماتے ہیں: ”اس حدیث کو سماک رحمہ اللہ سے صرف اسرائیل رحمہ اللہ نے روایت کیا ہے، اور اسرائیل رحمہ اللہ سے اسے صرف قاسم رحمہ اللہ نے نقل کیا ہے، جبکہ صالح رحمہ اللہ اسے بیان کرنے میں منفرد ہیں۔“ [المعجم الأوسط/باب الألف/حدیث: 1580]