سیدنا عقبہ بن عامر جہنی رضی اللہ عنہ سے روایت ہے کہ انہوں نے فرمایا: ”میں رسول اللہ صلی اللہ علیہ وسلم کی خدمت میں حاضر ہوا تو آپ صلی اللہ علیہ وسلم کے پاس دو فریق موجود تھے جو آپس میں جھگڑ رہے تھے، آپ صلی اللہ علیہ وسلم نے (مجھ سے) فرمایا: ”ان دونوں کے درمیان فیصلہ کرو۔“ میں نے عرض کیا: میرے ماں باپ آپ پر فدا ہوں، آپ اس (منصب) کے زیادہ حقدار ہیں۔ آپ صلی اللہ علیہ وسلم نے (دوبارہ) فرمایا: ”ان دونوں کے درمیان فیصلہ کرو۔“ میں نے عرض کیا: کس بنیاد پر؟ آپ صلی اللہ علیہ وسلم نے فرمایا: ”اجتہاد کرو، پس اگر تم نے درست فیصلہ کر لیا تو تمہارے لیے دس نیکیاں ہیں، اور اگر تم سے خطا ہو گئی تو تمہارے لیے ایک نیکی ہے۔““
امام طبرانی رحمہ اللہ فرماتے ہیں: ”کثیر سے اس حدیث کو صرف حفص نے روایت کیا ہے، محمد بن حسن اس کی روایت میں منفرد ہیں، اور سیدنا عقبہ رضی اللہ عنہ سے یہ حدیث صرف اسی سند کے ساتھ مروی ہے۔“ [المعجم الأوسط/باب الألف/حدیث: 1583]