سیدنا نعمان بن بشیر رضی اللہ عنہ سے روایت ہے کہ انہوں نے فرمایا: ”ہم ایک سفر میں رسول اللہ صلی اللہ علیہ وسلم کے ساتھ تھے کہ ایک شخص اپنی سواری پر اونگھنے لگا، تب ایک دوسرے شخص نے اس کے ترکش سے ایک تیر نکال لیا، جس سے وہ شخص بیدار ہوا تو گھبرا گیا۔ اس پر رسول اللہ صلی اللہ علیہ وسلم نے ارشاد فرمایا: «لَا يَحِلُّ لِمُسْلِمٍ أَنْ يُرَوِّعَ مُسْلِمًا» ”کسی مسلمان کے لیے یہ حلال نہیں کہ وہ کسی مسلمان کو خوفزدہ کرے۔““
امام طبرانی رحمہ اللہ فرماتے ہیں: ”یہ روایت سیدنا نعمان رضی اللہ عنہ سے صرف اسی سند کے ساتھ مروی ہے، اور سماک رحمہ اللہ سے اسے صرف عنبسہ رحمہ اللہ نے روایت کیا ہے، جبکہ اسے صرف حسین بن عیسیٰ رحمہ اللہ ہی نے بیان کیا ہے۔“ [المعجم الأوسط/باب الألف/حدیث: 1673]