ربیع بن انس رحمہ اللہ بیان کرتے ہیں کہ انہوں نے ابو العالیہ رحمہ اللہ کے سامنے قرآن پڑھا اور ابو العالیہ رحمہ اللہ نے سیدنا ابی بن کعب رضی اللہ عنہ کے سامنے قرآن پڑھا تھا۔
ابو العالیہ رحمہ اللہ بیان کرتے ہیں کہ سیدنا ابی بن کعب رضی اللہ عنہ نے فرمایا: رسول اللہ صلی اللہ علیہ وسلم نے مجھ سے فرمایا: ”مجھے حکم دیا گیا ہے کہ میں تمہیں قرآن پڑھ کر سناؤں۔“ میں نے عرض کیا: ”کیا وہاں میرا ذکر کیا گیا ہے؟“ آپ صلی اللہ علیہ وسلم نے فرمایا: ”ہاں۔“ یہ سن کر سیدنا ابی بن کعب رضی اللہ عنہ رونے لگے۔ (ربیع بن انس رحمہ اللہ) فرماتے ہیں: ”میں نہیں جانتا کہ وہ شوق کی وجہ سے روئے یا خوف کی وجہ سے۔“
امام طبرانی رحمہ اللہ فرماتے ہیں: ”اس حدیث کو ابو العالیہ رحمہ اللہ سے صرف ربیع رحمہ اللہ نے روایت کیا ہے۔“ [المعجم الأوسط/باب الألف/حدیث: 1679]