سیدنا ابومسعود رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم (نماز کے لیے صفیں درست کرتے ہوئے) ہمارے کندھوں کو چھوتے تھے اور فرماتے تھے: «اسْتَوُوا، وَلَا تَخْتَلِفُوا، فَتَخْتَلِفَ قُلُوبُكُمْ، لِيَلِيَنِّي مِنْكُمْ أُولُو الْأَحْلَامِ وَالنُّهَى، ثُمَّ الَّذِينَ يَلُونَهُمْ، ثُمَّ الَّذِينَ يَلُونَهُمْ» ”برابر ہو جاؤ اور (صفوں میں) اختلاف نہ کرو، ورنہ تمہارے دلوں میں اختلاف پیدا ہو جائے گا۔ تم میں سے جو بالغ اور صاحبِ عقل و دانش ہیں وہ میرے قریب رہیں، پھر وہ جو ان کے بعد (درجے میں) ہیں، پھر وہ جو ان کے بعد ہیں۔““ [المعجم الأوسط/باب الألف/حدیث: 1716]