سیدنا زید بن ارقم رضی اللہ عنہ سے روایت ہے کہ انہوں نے فرمایا: ”اہلِ کتاب میں سے ایک شخص نے کہا: اے ابوالقاسم! کیا آپ کا یہ دعویٰ ہے کہ جنتی لوگ (جنت میں) کھائیں گے اور پیئیں گے؟ تو آپ صلی اللہ علیہ وسلم نے فرمایا: ”ہاں، اس ذات کی قسم جس کے ہاتھ میں میری جان ہے! یقیناً ان میں سے ایک شخص کو کھانے، پینے، جماع اور شہوت میں سو مَردوں کے برابر قوت دی جائے گی۔“
اس نے کہا: جو شخص کھائے گا اسے قضائے حاجت کی ضرورت بھی تو پیش آئے گی؟ آپ صلی اللہ علیہ وسلم نے فرمایا: ”ان میں سے ہر ایک کی حاجت (محض) ایک پسینہ ہوگا جو مشک کی خوشبو کی طرح (بدن سے) خارج ہوگا، جس سے اس کا پیٹ دبلا (اور خالی) ہو جائے گا۔““ [المعجم الأوسط/باب الألف/حدیث: 1722]