ابو عطیہ رحمہ اللہ بیان کرتے ہیں کہ ”میں اور مسروق رحمہ اللہ ام المومنین سیدہ عائشہ رضی اللہ عنہا کی خدمت میں حاضر ہوئے اور ہم نے عرض کی: محمد صلی اللہ علیہ وسلم کے اصحاب میں سے دو شخص ایسے ہیں، جن میں سے ایک نماز اور افطار میں جلدی کرتا ہے جبکہ دوسرا تاخیر کرتا ہے۔ سیدہ رضی اللہ عنہا نے دریافت فرمایا: ”ان میں سے وہ کون ہے جو نماز اور افطار میں جلدی کرتا ہے؟“ ہم نے عرض کی: سیدنا ابنِ مسعود رضی اللہ عنہ۔ اس پر انہوں نے فرمایا: ”رسول اللہ صلی اللہ علیہ وسلم اسی طرح کیا کرتے تھے۔““ [المعجم الأوسط/باب الألف/حدیث: 1781]