زاذان رحمہ اللہ سے روایت ہے کہ سیدنا علی رضی اللہ عنہ نے ایک حدیث بیان فرمائی تو ایک شخص نے ان کی تکذیب کی، جس پر سیدنا علی رضی اللہ عنہ نے فرمایا: ”اگر تم نے جھوٹ بولا ہے تو میں تمہارے خلاف بددعا کرتا ہوں۔“ اس نے کہا: ”بددعا کیجیے۔“ چنانچہ آپ نے اس کے خلاف بددعا فرمائی، تو وہ شخص ابھی اپنی جگہ سے ہٹا بھی نہیں تھا کہ اس کی بینائی چلی گئی۔
امام طبرانی رحمہ اللہ فرماتے ہیں: ”اس حدیث کو اسماعیل سے صرف ہشیم رحمہ اللہ نے روایت کیا ہے۔“ [المعجم الأوسط/باب الألف/حدیث: 1791]