ام المومنین سیدہ ام سلمہ رضی اللہ عنہا سے روایت ہے کہ انہوں نے رسول اللہ صلی اللہ علیہ وسلم سے دریافت کیا اور عرض کی: ”اے اللہ کے رسول! میں اپنے سر کی مینڈھیاں (چٹیا) مضبوطی سے گوندھتی ہوں، تو کیا جب مجھے جنابت لاحق ہو تو میں غسل کے لیے اسے کھولا کروں؟“ آپ صلی اللہ علیہ وسلم نے فرمایا: ”تمہارے لیے بس یہی کافی ہے کہ تم اپنے دونوں ہاتھوں سے پانی کے تین لپ بھر کر اپنے سر پر ڈال لو، پھر اپنے باقی تمام بدن کو دھو لو، تو اس طرح تم پاک ہو جاؤ گی۔“
امام طبرانی رحمہ اللہ فرماتے ہیں: ”اس حدیث کو ابراہیم رحمہ اللہ سے صرف محمد رحمہ اللہ نے روایت کیا ہے، جبکہ اسے ایوب بن موسیٰ رحمہ اللہ سے ایوب سختیانی رحمہ اللہ، سفیان ثوری رحمہ اللہ، سفیان بن عیینہ رحمہ اللہ، روح بن قاسم رحمہ اللہ اور دیگر محدثین نے بھی روایت کیا ہے۔“ [المعجم الأوسط/باب الألف/حدیث: 1821]