سیدنا ابو ریحانہ رضی اللہ عنہ سے روایت ہے کہ کچھ لوگوں نے رسول اللہ صلی اللہ علیہ وسلم کے پاس تکبر کا تذکرہ کیا، تو میں نے عرض کیا: ”اے اللہ کے نبی! میں جمال (خوبصورتی) کو پسند کرتا ہوں، یہاں تک کہ اپنے کوڑے کے تسمے اور اپنے جوتے کے بندھن میں بھی، تو کیا آپ اس بارے میں میرے حق میں کسی چیز کا اندیشہ محسوس فرماتے ہیں؟“ آپ صلی اللہ علیہ وسلم نے فرمایا: ”نہیں۔“ ہم نے عرض کیا: ”پھر تکبر کیا ہے؟“ آپ صلی اللہ علیہ وسلم نے فرمایا: ”تکبر وہ ہے جو حق کی مخالفت (انکار) کرے اور لوگوں کو حقیر سمجھے۔“
امام طبرانی رحمہ اللہ فرماتے ہیں: ”اس حدیث کو زید رحمہ اللہ سے صرف ابو یزید رحمہ اللہ نے روایت کیا ہے۔“ [المعجم الأوسط/باب الألف/حدیث: 1854]