سیدنا جابر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”مومن (گناہوں سے اپنا دامن) تار تار کرنے والا اور (توبہ سے) اسے پیوند لگانے والا ہے، پس وہ شخص بامراد ہے جس کی موت اپنے پیوند لگانے کی حالت میں آئے۔“
امام طبرانی رحمہ اللہ فرماتے ہیں: ”اس حدیث کو محمد رحمہ اللہ سے صرف سعید رحمہ اللہ نے روایت کیا ہے، اور اس کی روایت میں یعقوب رحمہ اللہ منفرد ہیں۔“
ابوالقاسم (امام طبرانی) رحمہ اللہ فرماتے ہیں: ”اور رسول اللہ صلی اللہ علیہ وسلم کے ارشاد «وَاهِي رَاقِعٌ» کی تفسیر یہ ہے: یعنی گناہ گار جو کثرت سے توبہ کرنے والا ہو۔“ [المعجم الأوسط/باب الألف/حدیث: 1856]