علقمہ رحمہ اللہ سے روایت ہے کہ سیدنا عبداللہ بن مسعود رضی اللہ عنہ ہر جمعرات کی شام (وعظ و نصیحت کے لیے) کھڑے ہوا کرتے تھے، تو میں نے کسی بھی شام انہیں یہ کہتے ہوئے نہیں سنا کہ ”رسول اللہ صلی اللہ علیہ وسلم نے فرمایا ہے“ سوائے ایک مرتبہ کے؛
پس (جب انہوں نے یہ کہا) تو میں نے ان کی طرف دیکھا، وہ ایک لاٹھی پر ٹیک لگائے ہوئے تھے، پھر میں نے دیکھا کہ وہ لاٹھی (فرمانِ نبوی بیان کرنے کی ہیبت و خشیت سے) لرز رہی تھی۔ [المعجم الأوسط/باب الألف/حدیث: 1981]