سیدنا ابوہریرہ رضی اللہ عنہ سے روایت ہے کہ کچھ لوگوں نے نبی کریم صلی اللہ علیہ وسلم سے سوال کرتے ہوئے عرض کیا: ”ہم تین تین اور پانچ پانچ ماہ تک پانی سے دور (سفر یا دیہات میں) رہتے ہیں اور ہمیں پانی میسر نہیں آتا، جبکہ ہمارے درمیان جنبی، حائضہ اور نفاس والی عورتیں بھی ہوتی ہیں (تو وہ کیا کریں)؟“ آپ صلی اللہ علیہ وسلم نے فرمایا: ”تم مٹی کو لازم پکڑو (یعنی تیمم کر لیا کرو)۔“
ہم سلیمان الاحول رحمہ اللہ کی سعید بن مسیب رحمہ اللہ سے مروی اس کے علاوہ کوئی اور روایت نہیں جانتے، اور اسے ابراہیم بن یزید رحمہ اللہ سے صرف وکیع رحمہ اللہ نے روایت کیا ہے۔ نیز یہ روایت سعید بن مسیب رحمہ اللہ سے ایک اور سند سے بھی مروی ہے، اور اسے مثنی بن صباح رحمہ اللہ نے عمرو بن شعیب رحمہ اللہ سے، انہوں نے سعید رحمہ اللہ سے روایت کیا ہے۔ [المعجم الأوسط/باب الألف/حدیث: 2011]