سیدنا عبداللہ بن عباس رضی اللہ عنہما سے روایت ہے کہ نبی صلی اللہ علیہ وسلم یہ دعا کیا کرتے تھے: «اللَّهُمَّ إِنِّي أَعُوذُ بِكَ مِنْ غَلَبَةِ الدَّيْنِ، وَمِنْ غَلَبَةِ الْعَدُوِّ، وَمِنْ بَوَارِ الْأَيِّمِ، وَمِنْ فِتْنَةِ الدَّجَّالِ» ”اے اللہ! میں تیری پناہ چاہتا ہوں قرض کے غلبے سے، دشمن کے غلبے سے، بیوہ عورتوں کے بے آسرا رہ جانے (اور ان کے بے رغبتی کا شکار ہو کر بیٹھی رہ جانے) سے، اور دجال کے فتنے سے۔“
امام طبرانی رحمہ اللہ فرماتے ہیں: ”اس حدیث کو ہشام رحمہ اللہ سے عباد بن زکریا کے سوا کسی نے روایت نہیں کیا، اور اس میں قلوسی منفرد ہیں۔“ [المعجم الأوسط/باب الألف/حدیث: 2142]