امام ابن شہاب رحمہ اللہ سے روایت ہے کہ عمرہ رحمہا اللہ نے انہیں بتایا کہ وہ ام المومنین سیدہ عائشہ رضی اللہ عنہا کی خدمت میں موجود تھیں کہ ان سے عرض کیا گیا: ”سیدنا ابوسعید خدری رضی اللہ عنہ رسول اللہ صلی اللہ علیہ وسلم کے حوالے سے خبر دیتے ہیں کہ آپ صلی اللہ علیہ وسلم نے فرمایا: ”کسی عورت کے لیے یہ حلال نہیں کہ وہ تین دن کی مسافت کا سفر کرے مگر اس حال میں کہ اس کے ساتھ کوئی محرم ہو۔““
عمرہ رحمہا اللہ بیان کرتی ہیں کہ (یہ سن کر) سیدہ عائشہ رضی اللہ عنہا ہماری طرف متوجہ ہوئیں اور فرمایا: ”تم میں سے ہر ایک کے پاس تو محرم میسر نہیں ہوتا۔“ [المعجم الأوسط/باب الميم/حدیث: 6376]