سیدنا عبداللہ بن زمعہ رضی اللہ عنہ، ام المومنین سیدہ ام سلمہ رضی اللہ عنہا سے روایت کرتے ہیں کہ انہوں نے فرمایا: ”سیدنا ابوبکر رضی اللہ عنہ رسول اللہ صلی اللہ علیہ وسلم کے عہدِ مبارک میں تجارت کی غرض سے بصریٰ کی جانب روانہ ہوئے؛ سیدنا ابوبکر رضی اللہ عنہ کو رسول اللہ صلی اللہ علیہ وسلم (سے جدائی) پر بخل اور آپ صلی اللہ علیہ وسلم کی رفاقت کی حرص نے (تجارت میں سے) اپنے حصے سے نہیں روکا، اور نہ ہی رسول اللہ صلی اللہ علیہ وسلم نے اپنے صحابہ اور بالخصوص سیدنا ابوبکر رضی اللہ عنہ سے بے پناہ محبت اور ان کی ہمراہی کی تڑپ کے باوجود انہیں سفر سے منع فرمایا؛ (سیدنا ابوبکر رضی اللہ عنہ) رسول اللہ صلی اللہ علیہ وسلم کے تجارت کو پسند کرنے اور اسے اچھا سمجھنے پر خوش تھے۔“
امام طبرانی رحمہ اللہ فرماتے ہیں: ”اس حدیث کو امام زہری رحمہ اللہ سے اسحاق بن راشد کے علاوہ کسی نے روایت نہیں کیا، اور ان سے اسے روایت کرنے میں موسیٰ بن اعین منفرد ہیں۔“ [المعجم الأوسط/باب الميم/حدیث: 6387]