سیدنا ابی بن کعب رضی اللہ عنہ سے روایت ہے کہ انہوں نے فرمایا: ”ایک روز رسول اللہ صلی اللہ علیہ وسلم نے ہمیں نماز پڑھائی تو (دورانِ تلاوت) قرآنِ کریم کی ایک سورت آپ صلی اللہ علیہ وسلم سے رہ گئی۔ جب آپ صلی اللہ علیہ وسلم اپنی نماز سے فارغ ہوئے تو سیدنا ابی بن کعب رضی اللہ عنہ نے عرض کی: اے اللہ کے رسول! کیا فلاں فلاں آیت منسوخ ہو گئی ہے؟ آپ صلی اللہ علیہ وسلم نے فرمایا: ”نہیں۔“ انہوں نے عرض کی: (میں نے یہ اس لیے پوچھا) کیونکہ آپ صلی اللہ علیہ وسلم نے اسے تلاوت نہیں فرمایا، تو آپ صلی اللہ علیہ وسلم نے ارشاد فرمایا: ”تو پھر تم نے مجھے لقمہ کیوں نہیں دیا؟“
امام طبرانی رحمہ اللہ فرماتے ہیں: ”امام زہری رحمہ اللہ سے یہ دونوں حدیثیں سلیمان بن ارقم رحمہ اللہ کے علاوہ کسی نے روایت نہیں کیں۔“ [المعجم الأوسط/باب الميم/حدیث: 6412]