سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”بیشک اللہ تعالیٰ اور اس کے فرشتے سحری کرنے والوں پر رحمت بھیجتے ہیں۔“
امام طبرانی رحمہ اللہ فرماتے ہیں: ”نافع رحمہ اللہ سے اس حدیث کو صرف عبداللہ بن سلیمان رحمہ اللہ نے روایت کیا ہے، اور عبداللہ بن سلیمان رحمہ اللہ سے صرف عبداللہ بن عیاش رحمہ اللہ نے، جبکہ ادریس بن یحییٰ رحمہ اللہ اسے روایت کرنے میں منفرد ہیں؛ اور یہ حدیث سیدنا ابن عمر رضی اللہ عنہما سے صرف اسی سند کے ساتھ مروی ہے۔“ [المعجم الأوسط/باب الميم/حدیث: 6434]