سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”کوئی بھی انسان ایسا نہیں ہے مگر یہ کہ آسمان میں اس کے لیے دو دروازے ہیں؛ ان میں سے ایک سے اس کا عمل اوپر چڑھتا ہے اور دوسرے سے اس کا رزق نازل ہوتا ہے، پس جب وہ مومن بندہ وفات پا جاتا ہے تو وہ دونوں (دروازے) اس پر روتے ہیں۔“
امام طبرانی رحمہ اللہ فرماتے ہیں: ”اس حدیث کو صفوان بن سلیم رحمہ اللہ سے صرف ابراہیم بن مہاجر بن مسمار رحمہ اللہ نے ہی روایت کیا ہے۔“ [المعجم الأوسط/باب الميم/حدیث: 6459]