مالک بن عبیدہ دیلی کے دادا رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: «لَوْلَا عِبَادٌ لِلهِ رُكَّعٌ، وَصِبْيَةٌ رُضَّعٌ، وَبَهَائِمُ رُتَّعٌ لَصُبَّ عَلَيْكُمُ الْعَذَابُ صَبًّا، ثُمَّ رُضَّ رَضًّا» ”اگر اللہ کے ایسے بندے نہ ہوتے جو (عبادت میں) رکوع کرنے والے ہیں، اور شیر خوار بچے جو دودھ پیتے ہیں، اور چوپائے جو (زمین میں) چرتے ہیں، تو تم پر عذاب موسلا دھار انڈیل دیا جاتا، پھر تمہیں بالکل کچل کر رکھ دیا جاتا۔“
امام طبرانی رحمہ اللہ فرماتے ہیں: ”یہ حدیث ابو عبیدہ دیلی سے صرف اسی سند کے ساتھ مروی ہے، اور ابراہیم بن منذر اسے روایت کرنے میں منفرد ہیں۔“ [المعجم الأوسط/باب الميم/حدیث: 6539]