سیدنا اسید بن حضیر رضی اللہ عنہ سے روایت ہے کہ انہوں نے فرمایا: ”میں ایک چاندنی رات میں نماز پڑھ رہا تھا اور میں نے اپنا گھوڑا (قریب ہی) باندھ رکھا تھا، اچانک وہ بدکنے اور چکر کاٹنے لگا، جس سے میں ڈر گیا اور گھر کے اندر چلا گیا۔ جب صبح ہوئی تو میں نے اس کا ذکر نبی کریم صلی اللہ علیہ وسلم سے کیا، تو آپ صلی اللہ علیہ وسلم نے فرمایا: ”وہ فرشتے تھے جو رات کے آخری پہر میں تمہاری سورہ بقرہ کی تلاوت سننے کے لیے آئے تھے۔“ اور سیدنا اسید رضی اللہ عنہ نہایت خوش الحان تھے۔“
عبید اللہ بن عمر رحمہ اللہ سے اس حدیث کو صرف انس بن عیاض رحمہ اللہ نے روایت کیا ہے، اور ان سے اس کی روایت میں ہارون الایلی رحمہ اللہ منفرد ہیں۔ [المعجم الأوسط/باب الميم/حدیث: 6547]